ELMİ ŞURANIN İŞİ

          25yanvar 2019-cu il tarixində Elmi Şuranın ilk  iclası keçirildi.  İclasda 2019-cu ilə dair Elmi Şuranın iş planı, Elmi Şura və Metod Komissiya üzvlərinin yeni tərkibi təsdiq olundu. Həmçinin bir neçə cari  məsələlər müzakirə edilərək qəbul olundu.

        31 yanvar 2019-cu il tarixində Elmi Şuranın növbəti  iclası keçirildi. İclasda Aqrar Elm və İnnovasiya Mərkəzinin əməkdaşlarından Faiq Xudayev, Laləzar Sadıqova, Sevda Hacıyeva iştirak etdilər. İclasda Baytarlıq Elmi - Tədqiqat İnstitutunun  2018-ci il üçün  elmi-tədqiqat   fəaliyyətinə həsr edilmiş hesabatlar müzakirə olundu və  qəbul edildi.   İclasda  şöbə müdirləri hər bir şöbədə   görülən işlər haqqında   hesabat verdilər.  Həmçinin elmi işlərin gedişində qarşıya çıxan problemlərdən, bir sıra vacib məsələlərin həll olunmasından bəhs etdilər.

        27 fevral  2019-cu il tarixində Elmi Şuranın növbəti  iclası keçirildi. İclasda İnstitutun dissertant vədoktorantlarının 2018-ci ilə olan hesabatlarının müzakirəsi keçirildi. Doktorant və dissertantlar icra etdikləri dissertasiya mövzuları əsasında ətraflı çıxışlar etdilər və onların hesabatları dinlənilərək qəbul edildi. Doktorant və dissertantlar müxtəlif mövzular üzərində calışaraq müəyyən bilgilər əldə edilməsindən   bəhs etdilər.

        16 aprel  2019-cu il tarixində Elmi Şuranın növbəti  iclası keçirildi. İclasda Azərbaycan   Respublikası   Kənd Təsərrüfatı Nazirliyi Aqrar Elm və İnnovasiya Mərkəzinin 31/8-190 saylı 01 aprel 2019-cu il tarixli məktubunun icrası ilə əlaqədar  müzakirə keçirildi. İclasın sədri  S.Rüstəmova Azərbaycan Respublikasında kənd təsərrüfatı məhsullarının istehsalına və emalına dair “Strateji Yol Xəritəsi” nin  müvafiq bəndlərinin və yarımbəndlərinin icrasına dair məlumatlar mütəmadi olaraq   Aqrar Elm və İnnovasiya Mərkəzinə təqdim edilməsinin zəruriliyini qeyd etdi.

         01  may  2019-cu il tarixində Elmi Şuranın növbəti  iclası keçirildi. İclasda 2019-cu ildə  elmlər doktorluğu hazırlığı üzrə doktoranturaya, fəlsəfə doktorluğu hazırlığı üzrə doktorantura və dissertanturaya qəbul olunanların dissertasiya mövzuları və elmi rəhbərləri təsdiq olundu.