Azərbaycan Respublikası Kənd Təssərrüfatı Nazirliyinin  27 fevral      2020- ci il tarixli 14 №-li  əmri  ilə      “Kənd təsərrüfatı informasiya-məsləhət xidməti haqqında” Azərbaycan Respublikasının Qanunu”layihəsinin hazırlanması üçün işçi qrupu yaradılmışdır. İşçi qrupunun üzvü olaraq Baytarlıq Elmi-Tədqiqat İnstitutunun Quş xəstəlikləri şöbəsinin müdiri, a.e.ü.f.d. M.M.Həsənovda müzakirələrdə iştirak edir:

“Kənd təsərrüfatı informasiya-məsləhət xidməti haqqında”

QanunAzərbaycan Respublikası Konstitusiyasının 94-cü maddəsinin I hissəsinin 20-ci bəndinə əsasən ölkə əhalisinin ərzaq təhlükəsizliyinin təmin edilməsi üçün həyata keçirilən aqrar siyasətin tərkib hissəsi olan kənd təsərrüfatı informasiya-məsləhət xidmətinin hüquqi, iqtisadi və təşkilatı əsaslarını müəyyən edir. Kənd təsərrüfatı informasiya-məsləhət xidməti subyektləri ilə məhsul istehsalçıları, dövlət və yerli özünüidarəetmə orqanları, digər fiziki və hüquqi şəxslər arasında yaranan münasibətləri tənzimləyir.

                 Kənd təsərrüfatı informasiya-məsləhət xidməti sisteminin məqsədi elmi-texniki tərəqqinin nailiyyətləri və istehsalın innovasiyalı metodları haqqında biliklərdən istifadə etmək əsasında kənd təsərrüfatı məhsulları istehsalçılarına informasiya-məsləhət xidməti göstərməklə kənd təsərrüfatının və kənd ərazilərinin inkişaf etdirilməsinə və əhalinin həyat səviyyəsinin yüksəlməsinə nail olmaqdır.