Quş qripi xəstəliyi üzrə milli simulyasiya çalışmalarının keçirilməsinə dair

Ümumdünya Heyvan Sağlamlığı Təşkilatının (OİE) məlumatlarına görə, cari mövsümdə dünyanın bir sıra ölkələrində, o cümlədən Azərbaycan Respublikası ilə qonşu olan ölkələrdə yüksək patogen quş qripi xəstəliyi qeydə alınmış və xəstəliyin yayılam arealı genişlənməkdə davam edir. Daxil olan məlumatların təhlili göstərir ki, xəstəliyə yoluxma əksər hallarda vəhşi quşlarla təmas nəticəsində baş verir. Köçəri quşların miqrasiya marşurutlarının respublikanın ərazisindən keçməsi, habelə bu quşların müvəqqəti və daimi məskunlaşma yerlərinin olması ölkəmizdə də xəstəliyin yayılma riskini artırır və bununla əlaqədar bir sıra tədbirlərin həyata keçirilməsinə zərurət yaranmışdır.

Bu baxımdan da ölkə ərazisində quş qripi xəstəliyinin erkən aşkarlanması və müvafiq tədbirlərin vaxtında koordinasiyalı şəkildə yetirilməsinə əminlik, quşlarda yüksək patogenli quş qripi xəstəliyinə şübhəli hallarda səyyar laboratoriya diaqnostikasının aparılması, personalın bu sahədə bilik və bacarıqlarının artırılması məqsədi ilə 3-4 mart 2021-ci il tarixində quş qripi xəstəliyi üzrə milli simulyasiya çalışmaları keçirilmişdi.

Milli simulyasiya çalışmasında BETİ-nin baytar mütəxəssisləri də iştirak etmişdirlər. Tədbir Azərbaycan Respublikası Qida Təhlükəsizliyi Agentliyi və  Kənd Təsərrüfatı Nazirliyi yanında Baytarlıq Elmi-Tədqiqat İnstitutunun təşkilatçılığı ilə Pirşağı qəsəbəsində yerləşən Elmi Ekspermental Dayaq məntəqəsinin ərazisində həyata keçirilmişdir.