Lənkəran Dövlət Universitetinin Baytarlıq fakültəsinin tələbələri Baytarlıq Elmi-Tədqiqat İnstitutun laboratoriyalarında praktiki məşğələlərə başlayıblar. Tələbələr laboratoriyamızın  iş prinsipi və orda olan avadanlıqlarla tanış olurlar.

Kənd Təsərrüfatı heyvanlarının infeksion xəstəlikləri şöbəsinə gətirilmiş nümunələrdən ilkin yaxmaların hazırlanması, lazımi üsullarla boyayıb mikroskopiya edilməsi, eyni zamanda bu nümunələrdən suspenziya hazırlanıb bərk qida mühitlərinə əkilməsində bilavasitə iştirak edirlər.

Nümunələrlə iş zamanı şöbənin elmi işçilərini yaxından izləyir, onların təcrübəsindən yararlanırlar.