Baytarlıq Elmi-Tədqiqat İnstitutunun Quş xəstəlikləri şöbəsinin müdiri, a.e.ü.f.d. M.M.Həsənov və şöbənin əməkdaşlarının iştirakı ilə Lənkəran Dövlət Universitetinin tələbələrinə laboratoriya təcrübə-məşğələ dərsləri keçirilir:

         Laboratoriya təcrübə-məşğələ dərslərində, “Baytarlıq haqqında” Azərbaycan Respublikasının Qanunu və bu sahədə dünyada qəbul olunmuş prinsiplər, elmi-texniki tərəqqinin nailiyyətləri və baytarlığın innovasiyalı metodları haqqında biliklərdən istifadə etmək qaydaları, baytar alimlərinin əsas vəzifələri, ölkə ərazisinə xarici ölkələrdən keçə biləcək yoluxucu heyvan xəstəliklərinin qarşısını almaq yolları, heyvanların yoluxan və yoluxmayan xəstəliklərinin profilaktikası, diaqnostikası və müalicəsi ilə məşğul olmaq, əhalini heyvan və insanlar üçün ümumi olan xəstəliklərdən qorumaq, həmçinin heyvan xəstəlikləri ilə mübarizə üsullarına qanunla müəyyən edilmiş qaydada nəzarət etmək, baytarlıq və heyvandarlıq sahəsində fəaliyyət göstərən hüquqi və fiziki şəxslər tərəfindən ətraf mühitin çirklənməsinin qarşısını almaq, çirklənməni aradan qaldırmaq, baytarlıq elminin inkişafı üçün tədbirlər görmək kimi vəzifələr hərtərəfli izah edilmiş və sonra şöbədə dərc olunan tövsiyə xarakterli buklet və kitablar tələbələrə təqdim olunmuşdur.