Baytarliq
Baytarlıq Elmi-Tədqiqat İnstitutunun Quş xəstəlikləri şöbəsinin müdiri,aqrar e.ü.f. doktoru M.M.Həsənov və şöbənin əməkdaşları tərəfindən“Quşçuluq təsərrüfatlarında qarışıq infeksiyalara (kolibakterioz, pasterellyoz) qarşı yeni müalicə-profilaktika tədbirlərinin hazırlanması və tətbiqi“ mövzusunun 2021-ci ilin aprel-may ayları üzrə Antibiotik təsirli bitkilərdən şənbəllənin, amarantın, üyüdülmüş şirin biyan kökünün və yüksək bioloji qidalılıq keyfiyyətliliyiə malik hidroponik üsulla cücərdilən yemlərin quş xəstəliklərinə qarşı müalicə təsirinin öyrənilməsi haqqında
M ə l u m a t
Antibiotik təsirə malik yemlərlə qidalanmayan nəzarət qrupunda olan iki baş quş tələf olmuşdur. Tərəfimizdən nəzarət qrupda olan tələf olmuş bir baş 130 günlük fərənin cəsədi yarılmış və kolibakterioz aşkar edilmişdir.
Nəzarət qrupda olan digər tələf olmuş 150 günlük fərənin cəsədi üzərində isə tərəfimizdən patanatomiki yarma aparılmışdır. Bakterioloji müayinə üçün patoloji material sümük iliyindən, dalaqdan, ürəkdən, həmçinin müxtəlif orqanlardan götürülmüş qaşıntılardan fizoloji məhlul (100ml. suya + 0,9qr. NaCI) hazırlanaraq, Endo, Nutrient qida mühitlərinə əkərək 18-24 saat 37-380 C temperaturda inkubasiya etdikdən sonra qida mühitlərində mikrob boyanın vəziyyəti yoxlanılaraq kolibakterioz aşkar edilmişdir.
Həmçinin kulturanın patogenliyini yoxlamaq üçün ağ siçanlar üzərində bioloji sınaq qoyulmuşdur. Bu məqsədlə bir günlük aqar kulturasının yuyuntusu ilə 16-18-qramlıq ağ siçanların qarın boşluğuna kultura ilə yoluxdurulma apararaq, 5 gün ərzində onların tələf olması bioloji sınağın müsbət olmasının göstərir.