Baytarlıq Elmi-Tədqiqat İnstutunun “Balıq və arı xəstəlikləri şöbəsinin əməkdaşları Afət Süleymanova, Mehdi Əli, Tahir Ağəliyev tərəfindən şöbədə icra olunan “Balıq əmtəə təsərrüfatlarında yetişdirilən vətəgə əhəmiyyətli balıqların parazitar xəstəliklərinə yoluxmasının bioloji xüsusiyyətlərinin öyrənilməsi, xəstəliklərə qarşı mübarizə tədbirlərinin işlənib hazırlanması” mövzusu üzrə “İş” və “Təqvim” planına uyğun olaraq Səlyan və Neftçala rayonlarının ərazilərində yerləşən göl balıqçılıq təsərrüfatlarında yetişdirilən karp kimi (karp, çəki, ağ amur, qalınalın, daban balıq) balıqlar üzərində tədqiqatlar aparılmışdır.
Yaz-yay fəslində aparılan tədqiqatlara əsasən balıqlarda bakterial və helmintoz xəstəliklər aşkar edilmişdir. Bu da yay aylarında havaların isti keçməsi və göllərdə suyun hərarəti yüksək olduğuna görə xəstəliklərin baş verməsinə səbəb olmuşdur. Çöl şəraitində tədqiqatlar zamanı balıqlardan qan alınaraq qamçıların törətdiyi xəstəlikləri müəyyənləşdirmək üçün qan yaxmaları hazırlanmışdır.
Diaqnostika zamanı balıqların qanında Tripanosoma carassii və Cribtobia cyprini qan parazitləri aşkar edilmişdir.
Bizim tədqiqatların nəticələri göstərmişdir ki, balıqların təsərrüfatlarda hazırki qənaətbəxş Epizootoloji durumu saxlamaq üçün göllərə buraxılacaq balıqların epizootoloji vəziyyətinə xüsusi diqqət yetirilməklə balıqların nəql edilməsi və karantində saxlanması baytar-sanitar nəzarəti altında tələb olunan qaydada aparılmalıdır.
Göllərdə və istərsə də balıqçılıq təsərrüfatlarında insanlar üçün təhlükə törədən parazitlərin tapılmaması Səlyan və Neftçala göl balıqçılıq təsərrüfatlarında Epizootoloji durumu qənaətbəxşolduğunu göstərir.