Tərcümeyi-hal

Baytarlıq Elmi-Tədqiqat İnstitutunun direktor  müavini, baytarlıq üzrə fəlsəfə doktoru, dosent

 Hacıyev İltifat Müzəffər oğlu

24.01.1956-cı ildə Azərbaycan Respublikasının Gəncə şəhərində anadan olub.

1963-1973-cü illərdə Gəncə şəhəri 4 saylı orta məktəbdə təhsil alıb. 1973-1978-ci illərdə Azərbaycan Kənd Təsərrüfatı İnstitutunun (Azərbaycan Dövlət Aqrar Universiteti) Baytarlıq fakültəsində təhsil alıb. 1978-ci ildən 1981-ci ilə qədər Qafqaz Zonal Elmi-Nəzarət laboratoriyasında gənc mütəxəssis kimi kiçik elmi işçi vəzifəsində işləyib. 1981-1982-ci illərdə Azərbaycan Elmi-Tədqiqat İnstitutunun Helmintologiya laboratoriyasında “kiçik elmi işçi” vəzifəsində işləyib. 1982-ci ildə Moskva şəhəri K.İ.Skryabin adına Helmintologiya İnstitutunun nəzdində aspiranturanın əyani bölməsinə daxil olub, 1985-ci ildə oranı bitirib, namizədlik dissertasiyasını müdafiə edib. 1985-ci ildən 1994-cü ilə qədər Novosibirsk Kənd Təsərrüfatı İnstitutunun Baytarlıq fakültəsində işləyib. Hal-hazırda institut Novosibirsk Aqrar Universiteti adlandırılır. 1991-ci ildə SSRİ Xalq Təhsili Dövlət Komitəsinin qərarı ilə “doktorant” elmi adı verilib. 1994-cü ildən 2016-cı ilə qədər tərəfindən təsis edilmiş Novosibirsk şəhərində fəaliyyət göstərən “Enimals” şirkətinin rəhbəri vəzifəsində işləyib. İ.Hacıyev 5 tövsiyyənin, 24 məqalənin müəllifidir.

2018-ci ilin sonunda Kənd Təsərrüfatı Nazirliyi Baytarlıq Elmi-Tədqiqat İnstitutunda Aparıcı elmi işçi, Şöbə müdiri vəzifələrində işləyib. Hal-hazırda Baytarlıq Elmi-Tədqiqat İnstitutunda direktor müavini işləyir.

Ailəlidir, 2 övladı, 1nəvəsi var.