Baytarlıq Elmi-Tədqiqat İnstitutunun 

Masallı Eksperimental Dayaq Məntəqəsi haqqında

Masallı -Eksperimental Dayaq Məntəqəsi Baytarlıq ET İnstitunun struktur tabeliyində büdcədən maliyyələşən dövlət müəssisəsidir.

       Dayaq Məntəqəsi Azərbaycan Respublikası Kənd Təsərrüfatı Nazirliyinin Baytarlıq Elmi-Tədqiqat  İnstitutu tərəfindən verilmiş sifarişlər əsasında elmi-tədqiqat işlərinin aparılmasında bilavasitə iştirak edir və onların tətbiq olunmuş metodika əsasında yerinə yetirilməsinə şərait yaradır. Yerli şəraitə uyğun olan elmi-tədqiqat işlərinin nəticələrini və mövcud qabaqcıl texnologiyaları öyrənir və alınmış yenilikləri təsərrüfatlara tətbiq edir. Müqavilə əsasında fermer təsərrüfatlarında elmi-tədqiqat işləri aparır və xəstəliklərin müalicəsində fermerlərə köməklik göstərir. Bazada qabaqcıl baytarlıq naliyyətləri öyrənilir, təcrübə heyvanları əldə edilərək alınmış naliyyətlər onlar üzərində tətbiq edildikdən sonra təsərrüfatlara tövsiyyə edilir.