Azərbaycan Respublikasının Prezidenti, müzəffər ali baş komandan İlham Əliyevin 2020-ci il 3 dekabr tarixli Sərancamı ilə xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınmışdır. Noyabr 2021-ci il tarixində Baytarlıq Elmi-Tədqiqat İnstitutnda 8 noyabr Zəfər Günü münasibətilə tədbir keçirilmişdir. Tədbirdə 44 günlük müharibədə həlak olmuş şəhidlərimizin əziz xatirəsi 1 dəqiqəlik sükutla yad edilmiş, Baytarlıq Elmi-Tədqiqat İnstitutunun direktoru Sialə Rüstəmova və digər əməkdaşlar 8 noyabr Zəfər Günü ilə bağlı öz ürək sözlərini söyləmişlər. Sonra İnformasiya şöbəsinin əməkdaşları tərəfindən hazırlanmış 8-noyabr Zəfər Gününə həsr olunmuş videoçarx nümayiş etdirilmişdir. Sonda Sialə xanım Şanlı tariximizə daxil olan Zəfər günü münasibətilə kollektivi bir daha təbrik etmişdir