Baytarlıq Elmi Tədqiqat İnstitutunda Baytarlıq Preparatlarının istehsalının təşkili və tətbiqi məqsədilə institutun direktor müavini baytarlıq üzrə fəlsəfə doktoru, dosent İltifat Hacıyevin rəhbərliyi altında yeni doğulmuş buzovlar arasında müşahidə edilən koronavirus, rotavirus və kolibakterioz xəstəlikləri əleyhinə IgY texnologiyaları əsasında hazırlanmış spesifik immunoqlobulin tərkibli yem əlavəsi kimi istifadə olunan yumurta melanjı sınaqdan keçirilir. Belə ki, əldə edilən yumurta melanjı laboratoriya heyvanları üzərində sınaqdan keçirilmiş və müsbət nəticələr əldə edilmişdir. Rotavirus infeksiyası ilə ağır xəstə olan 5 baş buzov üzərində aparılan sınaqlar digər terapevtik müalicə vasitələrindən minimal istifadə etməklə tez sağalmağa imkan vermişdir. İmmunoqlobulinlər və yumurta melanjı 15 günlük 3 baş kolibakteriozlu buzovda yüksək effektivlik göstərmişdir. Hazırda, rotavirus, koronavirus və eşerixioz infeksiyalarına görə qeyri-sağlam olan fermada 50 baş yeni doğulmuş buzovlarda yumurta melanjının profilaktik təsiri yoxlanılmış və müsbət nəticə əldə edildiyi üçün müxtəlif yaş qrupuna aid olan daha 50 baş buzovlarda tətbiq etdirilməsi davam etdirilir. Buzovlar arasında müşahidə edilən xəstəliklərə qarşı xüsusi olaraq hazırlanmış (IgY texnologiya) yumurta melanjının AQTA-da qeydiyyatdan keçirildikdən sonra, yem əlavəsi kimi istehsal edilməsi nəzərdə tutulmuşdur