Baytarlıq Elmi-Tədqiqat İnstitutunun Parazitologiya şöbəsinin müdiri Aygün Əzizova, şöbənin baş elmi işçisi Mahir Nəsibov və böyük elmi işçisi Gülər Məmmədova Qəbələ rayonu Nic qəsəbəsində iri və xırdabuynuzlu heyvandarlıq və donuzçuluq təsərrüfatlarında parazitar xəstəliklərə görə monitorinq keçirmişlər.  Qan-parazitar xəstəliklərinə görə heyvanlara kliniki baxış zamanı qızdırmalı heyvan aşkar edilməmiş, kənd təsərrüfatı heyvanlarında az intensivliklə gənələrlə, donuzlarda bitlərlə yoluxma (donuzlara pedikulyoz xəstəliyini keçirirlər) halları qeyd edilmişdir. Gənələr və bitlər toplanılaraq növ tərkibinin təyini və onlarda olan xəstəlik törədicilərini müəyyən etmək üçün Parazitologiya şöbəsinin laboratoriyasına gətirilmişdir. Həmçinin, heyvanlarda helmintoz və ibtidai bağırsaq parazitlərinin törətdiyi xəstəlikləri (izosporoz, eymerioz, kriptosporidioz) aşkar etmək üçün koproloji nümunələr toplanılmışdır. Bitlərlə intensiv yoluxmuş donuzları insektisidlərlə təmizlənməsi  tövsiyə olundu. Helmintoz və protozoozlara qarşı anthelmint və antparazitar preparatların mərhələli müalicə sxemi təklif edildi.