Ordumuzun ön cəbhədə aldığı qalibiyyətlər hər bir vətəndaşı daha da ruhlandırır. Rəşadətli Azərbaycan Ordusu davam edən haqq mübarizəsində inamla irəliləyir. Bu şərəfli yolda ordumuza dəstək olmaq hər bir vətəndaşın borcudur. Baytarlıq Elmi Tədqiqat İnstitutu ölkəmizin ərazi bütövlüyü uğrunda mübarizə aparan Azərbaycan Ordusuna dəstək üçün Silahlı Qüvvələrinə Yardım Fonduna vəsait köçürüb. İnstitut və onun strukturuna daxil olan qurumların əməkdaşları işğalda olan torpaqlarımızın düşməndən azad edilməsinə dəstək məqsədilə aylıq vəzifə maaşlarından ianə ediblər.

Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli Fərmanı ilə Silahlı Qüvvələrimizin müasir tələblər səviyyəsində inkişafını təmin etmək, onun maddi-texniki bazasını möhkəmləndirmək və zəruri sosial tədbirləri maliyyələşdirmək məqsədilə yaradılıb.

QARABAĞ AZƏRBAYCANDIR !