19 yanvar 2024-cü il tarixində Baytarlıq Elmi-Tədqiqat İnstitutunda 20 Yanvar faciəsinin 34-cü il dönümünə həsr edilmiş tədbir  keçirildi.

Tədbiri giriş sözü ilə İnstitutun direktoru, aqrar e..ü.f.d., dosent. Sialə Rüstəmova açdı. Şəhidlərin xatirəsi bir dəqiqəlik sükutla yad edildi. Sialə xanım çıxışına davam edərək  xalqımızın mərdlik səlnaməsinə çevrilmiş o hadisəyə münasibət bildirdi. O, 20 Yanvar faciəsinin səbəblərindən, erməni fitnəsi ilə Azərbaycana qarşı törədilən qırğından, Azərbaycan övladlarının igidliyindən, xalqın bu hadisəni heç vaxt unutmamasından və şəhidləri daim yad etməsindən bəhs etdi. O, Azərbaycan xalqının müstəqilliyə qovuşmasında 20 Yanvar şəhidlərinin müstəsna rol oynadığını, bu günün xalqımızın tarixinə qızıl hərflərlə yazıldığını vurğuladı.

İnstitutun əməkdaşları şöbə müdiri Eldar Kosayev, elmi işçi Nurəddin Quliyev və digər əməkdaşları da 20 Yanvar faciəsindən ürək ağrısı ilə danışdılar. Sonda İnformasiya şöbəsinin hazırladığı video çarx nümayiş etdrildi

Allah şəhidlərimizə rəhmət eləsin!