02 fevral 2024-cü il tarixində Baytarlıq Elmi-Tədqiqat İnstitutunda Təsərrüfat şöbəsinin müdiri, aqrar elmlər üzrə fəlsəfə doktoru, institutun İlk Həmkarlar İttifaqı Komitəsinin sədri Eldar Muxtar oğlu Kosayevin 70 illik yubileyi qeyd olundu. Tədbirdə Kənd Təsərrüfatı Nazirliyi Birləşmiş Həmkarlar İttifaqı Komitəsi İdarə Heyətinin sədri Fuad Məmmədov, müavin Anar  Tağıyev iştirak etdilər.

İnstitutun direktoru Sialə Rüstəmova tədbiri təbrik nitqi ilə  açdı və yubilyarı fəxri fərmanla təltif etdi. Eyni zamanda BETİ ailəsinin gənc üzvlərini 02 fevral “Gənclər Günü” münasibətilə təbrik etdi.  

Eldar Kosayevin elmi fəaliyyəti barədə institutun İnformasiya Təminatı və Beynəlxalq Əlaqələr şöbəsinin baş mütəxəssisi Rzayeva Nahidə ətraflı məruzə etdi və "Gənclər günü" münasibətilə institutun gənc əməkdaşlarını  təbrik etdi. 

Tədbirdə Kənd Təsərrüfatı Nazirliyi Birləşmiş Həmkarlar İttifaqı Komitəsi İdarə Heyətinin sədri Fuad Məmmədov Eldar Kosayevi 70 illik yubileyi münasibətilə təbrik edərək yubilyara xoş arzularını bildirdi. Gənclər günü münasibətilə gənclərimizi təbrik edərək onlara işlərində uğurlar arzuladı.

Həmçinin İnstitutun elmi işlər üzrə direktor müavini Bayramov Səhman Eldar müəllimi 70 illik yubileyi münasibətilə ürəkdən təbrik edərək, möhkəm can sağlığı və respublikamızda aqrar sahənin inkişafı naminə fəaliyyətində yeni-yeni uğurlar arzuladı. İnstitutun gənclərini təbrik edərək onlara işlərində müvəfəqiyyətlər dilədi.

İnstitutun əməkdaşları da çıxış edərək yubiliyarı təbrik etdilər.