23 may 2024-cü il tarixində Azərbaycan Respublikası Kənd Təsərrüfatı Nazirinin müşaviri Zaur Əliyev, Respublikası Kənd Təsərrüfatı Nazirliyi yanında Aqrar Xidmətlər Agentliyin sədri Sərdar Hacıyev, Aqrar Xidmətlər Agentliyinin Heyvan sağlamlığı və Baytarlıq Xidmətləri Mərkəzinin sədri Məsud Xatibi, Azərbaycan Türkiyə Respublikası Kənd Təsərrüfatı və Meşə Nazirliyinin Qida və Nəzarət Baş İdarəsinin və Dabaq İnstitutunun (Şap Enstitüsü) rəhbərliyi, Şap Enstitüsü müdiri Ertan Ağtürk, Şap Enstitüsü müdir yardımçısı Mehmet Karakaya, Gida və Kontrol Genel Müdir yardımçısı Sezal Cibelik Baytarlıq Elmi-Tədqiqat İnstitutunda olublar.

Institutun direktoru Sialə Rüstəmova qonaqlara İnstitutun fəaliyyəti, görülən işlər barədə ətraflı məlumat verib və İnstitutun laboratoriyası ilə yaxından tanış edib. Sialə xanım həmçinin İnstitutumuzun laboratoriyasında hazırlanmış yeni doğulmuş buzovların rotovirus, koronavirus, eşerixioz infeksiyalarına qarşı hazırlanmış “İgY melanjı” bioloji yem əlavəsinin Azərbaycan Respublikasının təsərrüfatlarında ilk tətqiqi və tətbiqi, brusellyozun diaqnostikası üçün “Antigen” testinin istehsalı,  BETİGen markalı “Quşların Newcastle Real Time PCR detection kit” diaqnostik dəsti,  atların qan zərdabından hazırlanmış gön dəridə qara yara xəstəliyinin diaqnostikası üçün “Qara yara presipitəedici serum”u haqqında da məlumat verib. Sonda qonaqlar Baytarlıq Elmi-Tədqiqat İnstitutunun nəzdində yaradılan Baytarlıq Klinikası ilə də tanış oldular.