Azərbaycan Respublikası Kənd Təsərrüfatı  Nazirliyinin Baytarlıq  Elmi-Tədqiqat İnstitutu 20 may 2023-cü il tarixində  Azərbaycanda fəaliyyət göstərən “Rus Evi”  ilə Ümumrusiya “Xeyirxah missiya” (Миссия Добро) beynəlxalq proqram çərçivəsində “Razılaşma memorandumu” imzalanmışdır.

 Memoranduma əsasən, Rusiyanın baytarlıq elmi təşkilatları ilə əlaqələr yaradaraq peşəkar mütəxəsislər dəvət edilib. Baytarlıq  Elmi-Tədqiqat İnstitutunun nəzdnində fəaliyyət göstərən Baytarlıq Klinikasının  həkimlərinə, baytar-cərrahlarına və ümumlikdə personala  heyvanların cərrahi xəstəliklərinin müasir diaqnostikası və müalicələrin müasir üsulları ilə master klass keçirilməsi üçün  Rusiya Federasiyasından baytar həkimlər - cərrrah elmlər doktoru, professor Kontsevaya Svetlana Yurievna, cərrah ortoped Erdnenov Ulyumja Gennadieviç, cərrah onkoloq Klekovkina Daria Yurievna, anestezioloq Efimova Elina Vyaçeslavovna dəvət edilib.

29 may 2024-cü il tarixində Azərbaycan Respublikası Kənd Təsərrüfatı  Nazirliyinin Baytarlıq  Elmi-Tədqiqat İnstitutunda açılış tədbiri keçirildi. Tədbirdə Rusiyadan dəvət olunmuş baytar həkimlərini Kənd Təsərrüfatı Nazirliyinin Elm, Təhsil və İnsan Resursları şöbəsinin müdir müavini Emin Əliyev və “Rus Evi”nin direktor müavini Yeqorov Dimitri Yevgenyeviç  salamladılar və  Lahiyənin gedişatına uğurlar dilədilər.

Rusiyalı baytar həkimləri 2024-cü il mayın 27-dən iyunun 5-dək Azərbaycanda “Xeyirxah missiya” beynəlxalq proqram çərçivəsində Bakıda, BETİ-də heyvanların üzərində ortopedik əməliyyatları, xəstəliklərinin diaqnostikası və müalicəsini müasir üsullarla azərbaycanlı baytar həmkarlarımızla birgə  icra edəcəklər.