14.07.2024-cü il tarixində Azərbaycan Respublikası Kənd Təsərrüfatı Nazirliyi Baytarlıq Elmi-Tədqiqat İnstitutunun görkəmli alimi, baytarlıq elmləri doktoru, professor İlham Əzimovun 90 illik yubileyi qeyd olundu.

​İnstitutunun direktoru Sialə Rüstəmova giriş sözü ilə qonaqları salamladı, yubilyarın həyat və yaradıcılığı haqqında ətraflı çıxış edərək İlham müəllimi təbrik etdi:​

- Hörmətli İlham müəllim! Yubileyiniz münasibətilə Sizi səmimi qəlbdən təbrik edirik. Sizin Azərbaycan baytarlıq elminin inkişafında əvəzsiz xidmətləriniz yüksək qiymətləndirilmişdir. Uğurlarına ürəkdən sevindiyiniz, qayğılarına hər zaman şərik olduğunuz həmkarlarınızın və yetirmələrinizin, dostlarınızın və yaxınlarınızın Sizə sevgisi isə qazandığınız ən dəyərli sərvətdir.  Bu əlamətdar gündə Sizə möhkəm can sağlığı, sevdikləriniz və Sizi sevənlərlə birlikdə xoşbəxt və firəvan həyat yaşamağınızı arzulayırıq.

Tədbirdə Kənd Təsərrüfatı Nazirliyi adından Elm-təhsil və İnsan resursları şöbəsinin müdir müavini Emin Əliyev iştirak edərək yubilyarı təbrik etdi.

Həmçinin Kənd Təsərrüfatı Nazirliyi Həmkarlar Komitəsinin sədri Fuad Məmmədov, müavini Anar Tağıyev, Tərəvəzçilik Elmi-Tədqiqat İnstitutunun direktoru Elmar Allahverdiyev, Azərbaycan Respublikası Elm və Təhsil Nazirliyinin Zoologiya İnstitutunun direktoru Ələddin Eyvazov, Mikroobiologiya institutunun direktoru Pənah Muradov, baş elmi işçisi Fuad Qulubəyov, Azərbaycan Respublikası Qida Təhlükəsizliyi Agentliyinin Heyvan sağlıamlığı şöbəsinin müdiri Qalib Əbdüləliyev də öz ürək sözləri ilə İlham Əzimovu təbrik etdilər.