Baytarlıq Elmi-Tədqiqat İnstitutunun Parazitologiya şöbəsinin müdiri Aygün Əzizova, şöbənin baş elmi işçisi Mahir Nəsibov, böyük elmi işçi Gülər Məmmədova Yaşma qəsəbəsində yerləşən qan-parazitar xəstəliklərinə görə qeyri-sağlam iribuynuzlulardan ibarət heyvandarlıq təsərrüfatında monitorinq keçirmişlər. Tələf olmuş heyvanların daxili orqanları patoloji-anatomik yarma müayinəsindən keçirilmiş, heyvanların  piroplazmozdan tələf olması təsdiq olunmuşdur. Digər qızdırmalı heyvanlara kliniki baxış keçirilmiş, heyvanlardan periferik qan yaxma nümunələri götürülmüşdür. Nümunələr Parazitologiya laboratoriyasında müayinə olunmuş, iribuynuzlularda assosiativ formada piroplazmoz, anaplazmoz, fransaielloz və teylerioz qan-parazitar xəstəlikləri diaqnozu qoyulmuşdur. Təsərrüfat sahibinə mövcud problemləri həll etmək üçün təklif və tövsiyələr, müalicə sxemi təqdim olunmuşdur